394               TESTAMENTS ENREGISTRÉS AU PARLEMENT DE PARIS            (634)
surplus parti entre elles; et avec ce ordonna quatre cierges en la dicte eglise, chascun d'une livre, qui arderont tant que la dicte messe soit dicte et ce fait demourront en ycelle eglise, lesquelx cierges seront paiez par ses diz executeurs cy dessoubz nommez.
Item, il laissa à l'cuvre de la chapelle Nostre Dame du Marois viii solz Parisis.
Item, au Chapellain d'icelle nu solz Parisis, parmi ce que le maistre ou fermier de la dicte chapelle et le dit Chapellain diront ou feront dire une messe basse en la dicte chapelle des Trespassez, et aura le clerc qui l'aidera à dire xii deniers Parisis, et après ycelle messe sera fait memoire de Nostre Dame, et après diront ung de Profundis.
Item, il laissa à la dicte chapelle une torche de n livres de cire <jui ardera durant la dicte messe, et après sera gardée pour alumer à lever Dieu, toutes fois que l'en y chantera, tant qu'elle durra.
Item, il laissa à l'euvre de Postel Dieu de Couilly mi solz Parisis.
Item, aux povres du dit hostel Dieu un solz Parisis.
Hem, il voult et ordonna, ou cas qu'il plairoit aux doyen, chantre et chanoines de Saint Estienne de Meaulx, estre dictes et célébrées en ycelle eglise deux messes haultes, l'une des Trespassez-ou cuer de la dicte eglise et l'autre de Nostre Dame en la chapelle Nostre Dame de la Verriere, lesqueles messes seront chantées par les chanoines, chapel­ains et vicaires de la dicte eglise, ensemble ou autrement notable­ment, et pour ce faire laissa aus diz doyen, chantre et chanoines i solz Parisis pour une foiz.
Item, il laissa aus diz chapellains d'icelle eglise xxx solz Parisis.
Item, ii ordonna en disant les dictes messes iiii cierges de quatre livres de cire et nu torches, chascune de u livres de cire, qui ar­deront durant les dictes messes et après demourront à la dicte eglise, excepté que l'une des dictes torches demourra pour servir à alumer à lever Dieu, toutes foiz que l'en chantera devant la dicte chapelle de Nostre Dame de la Verriere, tant que la dicte torche durra.
Item, il laissa aux Cordeliers de Meaulx xvi solz Parisis, parmi ce qu'ilz diront ou feront dire une messe haulte notable des Trespassez à